ایمانقلی تاسماگامبتوف، دبیر کل سازمان پیمان امنیت جمعی با امامعلی رحمان، رئیس جمهور تاجیکستان در شهر دوشنبه پایتخت این کشور دیدار و گفتگو کرده است.
این دیدار میان طرفین در روز جمعه، ۲۲ حمل انجام شده است.
در این ملاقات، طرفین روی چگونگی تقویت مرز تاجیکستان با افغانستان گفتگو کردهاند.
سازمان پیمان امنیت جمعی نوشته است:«در این دیدار توجه ویژهای به برنامه هدفمند بیندولتی اعضای سازمان پیمان امنیت جمعی برای تقویت امنیت مرز تاجیکستان با افغانستان شد.»
گفتنی است که جمهوریهای آسیای میانه بارها در خصوص گسترش تروریسم در افغانستان ابراز نگرانی کردهاند.
اعضای سازمان پیمان امنیت جمعی بارها گفتهاند که در افغانستان زیر اداره گروه تروریستی طالبان بیش از بیست و یک گروه تروریستی حضور و فعالیت دارند.
https://www.nrfnews.com
