🔹رسانه تاجیکی «آسیا-پلاس» به نقل از اداره اطلاعات و مطبوعات وزارت خارجه تاجیکستان گزارش داده است که درگیری‌های مسلحانه در روزهای اخیر در ولایت بدخشان افغانستان، به‌ویژه در ولسوالی‌های هم‌مرز با منطقه درواز تاجیکستان، امنیت مناطق مرزی این کشور را تهدید کرده و منجر به نقض قوانین بین‌المللی شده است.

🔹این وزارت گفته است که در جریان درگیری‌ها حریم هوایی تاجیکستان نقض شده، چند خانه مسکونی آسیب دیده و یک غیرنظامی در منطقه درواز کشته شده است.

🔹در پی این رویداد، تاجیکستان یادداشت رسمی اعتراضی به طرف افغانستان فرستاده و نگرانی شدید خود را از این حادثه ابراز کرده است. دوشنبه از مقام‌های افغانستان خواسته است تا به مصونیت مرزهای دولتی تاجیکستان احترام بگذارند.

🔹یک منبع رسمی در اداره منطقه درواز به «آسیا-پلاس» گفته است که قربانی، یوسومان یتیم‌زاده، ۲۱ ساله و باشنده روستای دشتک بوده است.

@bakhtarnewsagency1